IELTS Reading-də ən çox eşitdiyimiz şikayət budur: “Mətni başa düşürəm, amma vaxt çatmır.” Problem adətən dil səviyyəsində yox, strategiyadadır. Aşağıdakı beş addım Academic modulunda da, General Training-də də işləyir.
1. Əvvəlcə sualları oxuyun
Mətnə keçməzdən əvvəl sualların tipinə baxın: True/False/Not Given, Matching Headings, boşluq doldurma. Hər tip üçün mətndə fərqli şey axtarırsınız.
2. Hər mətnə 20 dəqiqə
Saatı mətnin başında yox, sonunda yoxlayın: 20-ci dəqiqədə hansı sualda olursunuzsa, cavabı işarələyib növbəti mətnə keçin. Bir sual üçün 4 dəqiqə itirmək, sonda 4 asan sualı itirmək deməkdir.
3. Açar sözlərin sinonimini axtarın
Sualdakı söz mətndə demək olar ki, heç vaxt eyni formada olmur. “Increase” sualda varsa, mətndə “rise”, “growth” və ya “went up” axtarın.
- Sualdakı açar sözün altından xətt çəkin
- 2–3 sinonimini kənarda qeyd edin
- Mətndə yalnız həmin abzası diqqətlə oxuyun
4. Not Given ilə False-u qarışdırmayın
False — mətn əksini deyir. Not Given — mətn bu barədə ümumiyyətlə danışmır. Şübhədə qalanda özünüzə sual verin: “Bunu təkzib edən cümləni göstərə bilərəmmi?”
5. Hər həftə vaxtla məşq edin
Strategiya yalnız taymerlə məşq edəndə vərdişə çevrilir. Kursumuzda tələbələr hər həftə bir tam Reading testi yazır və nəticəni sual tipləri üzrə görür.
